E-commerce និងចំណាត់ថ្នាក់របស់វា

អ្វីជា E-commerce ?

ឥទ្ធិពលនៃសកលភាវូបនីយកម្ម​ និង​វឌ្ឍនភាពនៃបច្ចេកវិទ្យាបានធ្វើអោយផលិតកម្មទំនិញ​ និង​សេវាកាន់តែមានសន្ទុះ​ និងផ្តល់នូវភាពពេញចិត្តកាន់តែខ្លាំងដល់អតិថិជន​។​ ក្នុងនោះដែរ បណ្តូរកម្មទំនិញឆ្លងប្រទេសកាន់តែមានភាពងាយស្រូលឡើងពីមួយថ្ងៃទៅមួយថ្ងៃ។ ដោយសារ ការ​រីកចំរើននៃបច្ចែកវិទ្យា មធ្យោបាយដោះដូរទំនិញជាច្រើនត្រូវបានប្រើប្រាស់។​​​ បច្ចុប្បន្ននេះការប្រើប្រាស់អ៊ីនធើណេតជាមធ្យោបាយក្នុងការផ្សាយពាណិជ្ជកម្ម និងលក់ផលិតផលមានការពេញនិយមជាខ្លាំងពីសំណាក់អង្គភាពអាជីវកម្មនានា ។ ក្នុងចំណោម នោះពាណិជ្ជកម្មអេឡិត្រូនិច្ច ឬ E-Commerce ជាមធ្យោបាយថ្មីមួយដែលទាក់ទាញ​ចំណាប់ អារម្មណ៏របស់អតិថិជនយ៉ាងខ្លាំង ។    

នៅក្នុងវិស័យជំនួញ E-commerce​ គឺជាប្រតិបត្តិការជំនួញ Online​ ដែលមានលក្ខណៈ ពិសេស​ភ្ជាប់ទៅនឹងប្រព័ន្ធ Computer  នៃអាជីវករម្ចាស់ជំនួញ និងអ្នកទិញ។​ តាមរយៈ ប្រតិបត្តិការ​ ប្រព័ន្ធអេឡិចត្រូនិចបានបញ្ចូលនូវការផ្ទេរភាពជាម្ចាស់កម្មសិទ្ធិ ឫសិទ្ធិក្នុងការប្រើ ប្រាស់ផលិតផល ឫសេវាកម្មណា​មួយពីមនុស្សម្នាក់ទៅមនុស្សម្នាក់ទៀត។​ មនុស្សភាគច្រើន ពេញនិយ​មជាមួយនឹងជំនួញតាមប្រព័ន្ធអេឡិចត្រូនិចប្រភេទ​Business-to-consumer (B2C)។​ និយាយជារួម​ E-commerce គឺជាការទិញ និងលក់ផលិតផល និងសេវាកម្មរវាងម្ចាស់ជំនួញ និងអ្នកប្រើប្រាស់តាមប្រព័ន្ធអ៊ីនធើណែត។
ចំណាត់ថ្នាក់នៃ E-Commerce

•          B2B (Business-to-Business): នេះជាប្រភេទសំដៅលើក្រុមហ៊ុនដែលធ្វើជំនួញជាមួយគ្នា មានដូចជាក្រុមហ៊ុនផលិតកម្មលក់ផលិតផលដល់អ្នកបែងចែកលក់បន្ត ឫអ្នកលក់ដុំលក់ បន្តរទៅដល់អ្នកលក់រាយ។      ចំពោះតំលៃអាស្រ័យលើបរិមាណនៃការបញ្ជាទិញហើយជា

ទូទៅតំលៃអាចត្រូវបានចរចាគ្នាបាន។

•          B2C (Business-to-Consumer): សំដៅលើជំនួញដែលលក់ផលិតផល ឫសេវាកម្មជា សាធារណៈទៅដល់អ្នកប្រើប្រាស់តាមប្រព័ន្ធអ៊ីនធើណែត ដោយក្នុងនោះគេបានបញ្ចូលនូវ

រូបភាពគំរូនានាពីផលិតផល និង សេវាកម្ម របស់ខ្លួន។

•        C2B (Consumer-to-Business): អ្នកប្រើប្រាស់ផលិតផល ឫសេវាកម្ម អាចបង្ហាញគំរោង របស់ខ្លួនតាមអ៊ីនធើណែត​ ដើម្បីស្វែងរកក្រុមហ៊ុនណាមួយមកធ្វើជាម្ចាស់ផ្គត់ផ្គង់គំរោង របស់ខ្លួន។ តាមការធ្វើបែបនេះអ្នកអាចនឹងឃើញក្រុមហ៊ុនមួយចំនួននឹងបង្ហាញខ្លួនក្នុងការ អោយអ្នកជ្រើសរើសសំរាប់គំរោងរបស់អ្នក។ បញ្ជាក់: រាល់ទាំងគំរោងសុទ្ធតែ​បង្ហាញពី គំរោងថវិការចំណាយរបស់គំរោងរបស់អ្នក។

•         B2G (Business-to-Government): ជាទូទៅសំដៅលើពាណិជ្ជកម្មរវាងក្រុមហ៊ុន និងផ្នែក សាធារណះជន។ វាសំដៅទៅលើការប្រើប្រាស់នៃប្រព័ន្ធអ៊ីនធើណែត​ ជូនដល់ជា​សាធារណៈ ដំណើរការដែលមានច្បាប់ត្រឹមត្រូវ និងដំណើរប្រតិបត្តិការផ្សេងៗទៀតដែល មានរដ្ឋាភិបាលដឹងឮ។ ប្រភេទនៃ E-commerce មួយនេះមាន​លក្ខណៈពិសេសពីរយ៉ាងគឺ: ទី១ ផ្នែកសាធារណះចេះសន្មត់ទុកជាមុនលើក្បួនដឹកនាំ ផ្លូវនៅក្នុងការបង្កើតពាណិជ្ជកម្ម និងទី២ វាត្រូវបានសន្មត់ជាមុនថាផ្នែកសាធារណៈ មានសេចក្តីត្រូវការដ៏ធំបំផុតសំរាប់ធ្វើ អោយប្រព័ន្ធនៃការផ្គត់ផ្គង់កាន់តែមានប្រសិទ្ធ ភាព។

•        C2C (Consumer-to-Consumer): តាមរយៈ E-commerce ប្រភេទនេះ បុគ្គលម្នាក់ៗអាច ទិញ ឬលក់ឡៃឡុងនូវរបស់ដែលខ្លួនមាន Online យ៉ាងងាយ​ស្រួល។ មាន Website ជា ច្រើនដែលអ្នកអាចផ្សព្វផ្សាយ​របស់អ្វីដែលអ្នកចង់លក់ ឬក៍ចង់មើលរបស់អ្វីដែលអ្នកចង់ ទិញដែរ។ ជាឧទាហរណ៍ សុំសាកល្បងសេវាកម្មការលក់ និង​ទិញទំនិញឡៃឡុងរបស់ វិបសាយ  http://www.eBay.com         រឺ          www.khmer24.com